شعر زیبا به زبان لارستانی «بَهار واگَرده»

دِلُم شَوي كه دُوارَه بَهار واگَرده
دِلُم اَخُتْ خُتِ كَيبو قَرار واگَرده

پَسين بِبو و بِبينِمْ كه اَزْ پَسِ قَعلَه
بَواجي وا پِشِ اُشْك و خَشارواگَرده

خُدابُكُن كه صَدَي كَوگ وكَفتَروقُمري
دُوارَه وا مِنِ شاخَي كُنار واگَرده

دُوارَه دِل مَتِكِ دوغ و مَسْكَيِ مَشكِ
خدابُكُن كه كَلِنْگ و تَغار واگَرده

خدا بُكُن كه وَجَي اَخم وتَخم وچَش كاچو
خَنَي كه از لَبُم اُشكه فَرار  واگَرده

مَوي كه  بِركَه بِبو پُر اَتَختِ بِركَيا
دُوارَه كَندَر و پيپِ قَطار واگرده

دِلُم پُر اِسّي و كو كو اَزِتايْم يَكوَختي
خُدا دِلُش بِسُخِ و شَهرِ لار واگرده

عبدالرضامفتوحي