شعری زیبا به زبان لاری «یک رنگی»

چُواَبو لَج نِكُنَم وا يَكُدو جنگ نِبو
صاف بَم مِثلِ بُلور و بَرُنِ سنگ نِبو

بُخُرَم تِكَّيِ نو و بُكُنَم شُكرِ خدا
بين كاكا و بِراسومو دِلِ تَنگ نِبو

دِليا آيِنَه بو مِثلِ دِلِ يَك بِركَه
نِ چُنِ آووِ تِكِ لولَه پُرِ مَنْگ نِبو

اَر كي گُم كِردَه اُشِسّي وَخَشي واگَرده
نَنَيي چَش وَدَر و منتظرِ زَنْگ نِبو

خونَيا اِنگا فَسيل و بِچيا دُمپَز بِن
خَمَلِ اُشك و كُفارُش اَسِرِ پَنگْ نِبو

آخَته وا دِلِ راحَت اَسِنَي كو اشكال
هيچ مِشكالي تفنگُش شَتِكِ كَنگ نِبو

آو اَلو بِركَي خال اُچو و پُر وابو
هيچ سنگي مَ مَوي كه مُنِ پَي لَنگ نِبو

عبدالرضامفتوحي